Gʻayrat OTAJONOV/“Xalq soʻzi”. Nukus shahridagi “Oq qush” majmuasida IV Toshkent xalqaro investitsiya forumining davomi sifatida Qoraqalpogʻistonning investitsion salohiyatini taqdim etishga bagʻishlangan forum oʻtkazildi.

Unda Qoraqalpogʻiston Respublikasi Joʻqorgʻi Kengesining Raisi Amanbay Orinbayev soʻzga chiqib, Prezidentimizning alohida eʼtibori tufayli Qoraqalpogʻistonda tadbirkorlikni rivojlantirish va qoʻllab-quvvatlash, investitsion jozibadorlikni oshirish boʻyicha qabul qilingan farmon va qarorlar asosida yaratilgan imkoniyatlarni taʼkidlab oʻtdi.

Forumda respublikamizning investitsion jozibadorligi, yangi loyihalarni amalga oshirish imkoniyatlari, mavjud resurslar va boshqa muhim yoʻnalishlar haqida soʻz yuritildi.

“Oq qush” majmuasi hududidagi maxsus pavilyonda Qoraqalpogʻistonda ishlab chiqarilgan mahsulotlar koʻrgazmasi namoyish etildi.

Forum imkoniyatlarni muhokama qilish, ishbilarmonlik aloqalarini oʻrnatish va qoʻshma loyihalarni amalga oshirish uchun oʻziga xos maydonga aylandi.

Tadbir ishtirokchilari “QORAQALPOQ BASALTWOOL” korxonasi, I.V.Saviskiy nomidagi Qoraqalpogʻiston davlat sanʼat muzeyida ham boʻlib, respublikamizning sanoat, turizm yoʻnalishlaridagi imkoniyatlari bilan tanishdi.