Xalq deputatlari Buxoro viloyati Kengashi deputatlari va mahalliy Kengashlar kotibiyatlari mudirlaridan iborat delegatsiya xalq deputatlari Navoiy viloyati Kengashiga tashrif buyurdi.

Uchrashuv mahalliy Kengashlar hamkorligini kuchaytirish va oʻzaro tajriba almashish maqsadida tashkil etildi.

Tashrif davomida delegatsiya Qiziltepa, Karmana va Nurota tumanlari hamda Navoiy viloyati Kengashlari faoliyati bilan tanishdi. Shu bilan birga, “mahalla yettiligi” bilan ish tajribasi, ijtimoiy himoyaga muhtoj xotin-qizlarni ish bilan taʼminlash, deputatlarning saylovchilar bilan muloqot olib borish usullari oʻrganildi.

Shuningdek, “Navoiy” erkin iqtisodiy zonasi va “Navoiy issiqlik elektr stansiyasi”dagi imkoniyatlar, yangi loyihalar hamda bitiruvchilar bandligi masalalari koʻrib chiqildi. Delegatsiya aʼzolari tadbirkor-deputat A. Saksanov tashabbusi bilan qurilgan zamonaviy 22-sonli maktab faoliyati bilan ham yaqindan tanishdi.

Navoiy shahrida xalq deputatlari Navoiy viloyati Kengashining 2025-yil birinchi yarim yilligida amalga oshirgan ishlari boʻyicha taqdimot oʻtkazildi.