Arxiv foto

Bu haqda 2019 yilda qonun loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish dasturida qayd etilgan.

Unga koʻra, Qonun loyihasini ishlab chiqish Oʻzbekiston Respublikasi Prezidentining 2018 yil 28 noyabrdagi “Oʻzbekiston Respublikasida milliy madaniyatni yanada rivojlantirish konsepsiyasini tasdiqlash toʻgʻrisida”gi PQ–4038-son qarorining 8-bandida nazarda tutilgan.

Qonun loyihasida quyidagilar nazarda tutiladi:

• madaniyat sohasida davlat siyosatining asosiy tamoyillari va yoʻnalishlari, ularni amalga oshirishda ishtirok etuvchi davlat organlari va boshqa tashkilotlarning vakolatlari;
• madaniyat sohasida fuqarolar, millat va elatlarning huquq hamda erkinliklari;
• madaniy obyektlarni tashkil etish, qayta tashkil etish va tugatish tartiblari, shuningdek ularni moliyalashtirish va boshqarishning oʻziga xos xususiyatlari;
• ijodiy uyushma va birlashmalarning huquqiy maqomi, madaniyat sohasidagi xodimlarning ijtimoiy himoyasi;
• madaniy almashuv, xalqaro tashkilot va xorijiy davlatlar bilan hamkorlik, madaniyat obyektlari va sanʼat asarlarini ommalashtirish.