Kurskdagi vaziyat: Tahlilchilar nima demoqda?
![](https://xs.uz/upload/post/2024/08/15%20%281%29/ab43b69ef04910802d7e976a9fe8e4ca0815.png)
O‘tgan hafta Ukraina qo‘shinlari Rossiyaning Kursk viloyatiga qilgan hujumini kremlparast sharhlovchilar NATO tomonidan ishlab chiqilganligiga da’vo qilgandi. Elektr va suv o‘chirilishi ortidan aholi uylarini tark etishga majbur bo‘lgan.
Mahalliy Telegram kanallar Rossiyaning turli shaharlarida bepul turarjoy takliflarini ko‘paytirdi va hukumat evakuatsiya qilinganlarga kompensatsiya sifatida bir martalik 100 AQSH dollaridan ko‘proq mablag‘ taklif qilgan. Jiddiy shikastlanganlarga esa 6500 AQSH dollari berilishi aytilgan.
Rossiya ommaviy axborot vositalari ukrainaliklarning muvaffaqiyatini beixtiyor tan oldi. “Zelenskiy rejimi kuchli qadam tashladi, natijada biz uchun unchalik ma’qul bo‘lmagan xulosa va oqibatlar olib keldi”, degan rossiyalik jurnalist.
“Ukraina Qurolli Kuchlarining harakatlari nafaqat ularning yuqori professionalligidan, balki Ukraina rahbariyatining ijodkorligidan ham dalolat beradi. Chunki ular hech kim kutmagan ishni qilishdi. Urush manzarasini butunlay o‘zgartirib yubordi”, deb yozadi Kremlni tanqid qilib turadigan siyosatchi Leonid Gozman.
Gozmanning ta’kidlashicha, Rossiya fuqarolari haligacha ukrainaliklarga ommaviy qarshilik ko‘rsatmagan va Rossiyaning mudofaa qobiliyati haqida salbiy fikrlar bildirgan. Shuningdek, u generallar haqida fikr bildirar ekan, ular boshqa mamlakatlarga hujum qilishni qoyillatishi lekin o‘zlarini himoya qila olmasligini qo‘shimcha qilgan.
Rossiya ommaviy axborot vositalari Ukraina armiyasini tinch aholini nishonga olganlikda ayblamoqda. Shu bilan birga Ukraina askarlari Kurilovka qishlog‘ida mashinalarga qarata o‘t ochib, homilador ayolning o‘limiga sababchi bo‘lgani, tinch aholini evakuatsiya qilishda yordam berayotgan ko‘ngillilarni asirga olgani haqida xabarlar ham bor.
“Rossiya-1” telekanalidagi o‘zining tok-shousida Putin bilan do‘st bo‘lgan teleboshlovchi Vladimir Solovyov Ukrainaning g‘arblik ittifoqchilarini bosqinni uyushtirganlikda aybladi.
“Bu operatsiyani Zelenskiy yoki uning shtab-kvartirasi tashkil qilmagani aniq. Ushbu operatsiya NATO mutaxassislari tomonidan ishlab chiqilgan. Ularning imzo uslubi aniq ko‘rinadi”, degan u. Shuningdek, teleboshlovchiga ko‘ra, Telegram kanallar va ommaviy axborot vositalari aholi orasida vahima qo‘zg‘atmoqda.
Iste’fodagi podpolkovnik Roman Shkurlatov “Izvestiya” gazetasida chop etilgan maqolasida dushmanning bir nechta maqsadini qayd etgan.
“Birinchisi, g‘arblik homiylari va rahbarlariga Ukraina Qurolli Kuchlari nafaqat chekinishi, balki qandaydir natijalar ham berishi mumkinligini ko‘rsatish. Ikkinchi ehtimoliy maqsad muzokaralarda savdolashish uchun Kursk viloyati hududida tayanch punktini qo‘lga kiritishga urinish. Uchinchisi, boshqa yo‘nalishlarni ochib, bizni Kursk yaqinidagi zaxiralarni tortib olishga majburlashga harakatdir. Ammo ular bu borada muvaffaqiyat qozona olmasligi aniq. Chunki foydalanilmayotgan zaxiralarimiz yetarlicha”, degan Shkurlatov.
Xalqaro hamkorlik va hamkorlik markazi asoschisi Aleksey Malininning “Al Jazeera”ga aytishicha, Rossiya nuqtayi nazaridan Kurskka bostirib kirish tinchlik muzokaralariga teskari samara beradi.
“Ukraina qo‘shinlarining Kursk viloyatiga bostirib kirishi Ukraina o‘zining muzokaralardagi pozitsiyasini mustahkamlashni maqsad qilganini ko‘rsatadi. Biroq, bu harakat muzokaralar jarayonini yaqinlashtirish uchun hech qanday yordam bermaydi. Aksincha, muzokaralarni keskin kechiktiradi. Hozirda muzokaralar haqida aholi punktlari va tinch aholining dahshatli bombardimonidan keyin avvalgidek xotirjam gapira olmaymiz”, degan u.
Malininning qo‘shimcha qilishicha, Kurskdagi vaziyat hal bo‘lgach, rus harbiylari intensiv hujum bilan javob qaytaradi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring