Koreya Respublikasi bilan sogʻliqni saqlash sohasida hamkorlik qilinadi

11:20 22 Oktyabr 2022 Hujjatlar
2272 0

Foto: Illustrativ surat

“Xalqaro shartnomani tasdiqlash toʻgʻrisida”gi Prezident qarori (PQ–406-son, 20.10.2022-y.) qabul qilindi

Qarorga muvofiq, Oʻzbekiston hamda Koreya Respublikasi Hukumati oʻrtasida sogʻliqni saqlash sohasida kasalliklarning oldini olish va ularga qarshi javob choralarini koʻrishda hamkorlik qilish toʻgʻrisidagi bitim tasdiqlandi.

Mazkur Bitim 2021-yil 17-dekabr kuni Seul shahrida imzolangan.

Sogʻliqni saqlash vazirligi va Tashqi ishlar vazirligi ushbu xalqaro shartnomani amalga oshirish yuzasidan masʼul boʻlgan vakolatli organlar etib belgilandi.

Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin Oʻzbekistonning majburiyatlari bajarilishini taʼminlaydi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?