Respublika Maʼnaviyat va maʼrifat markazi, Kinematografiya agentligi hamda “Maʼrifat targʻibotchilari” jamiyati hamkorligida “Bir boʻlsak — yagona yagona xalqmiz, birlashsak — Vatanmiz!” shiori ostida “Kinokarvon” Respublika boʻylab yoʻlga chiqdi.

Karvonning ilk manzili Sirdaryo viloyati boʻldi. Viloyatga poytaxtdan 10 ga yaqin kinoijodkorlar, yozuvchi va ziyolilar tashrif buyurdi. Tadbirlar Guliston shahar Yoshlar markazidan boshlandi. Unda xalq sevgan ijodkor Bahodir Nishonov soʻzga chiqdi.

“Baʼzida mendan nega ijodni tanlaganimni soʻrashadi. Bu bolalik xotiralarimga bogʻlanadi. 1950-yillarda endigina televideniye chiqqan davrlarda soat 7 da butun mahalladagilar bizni hovlida yigʻilishardi. Avval “Axborot” berilardi. Undan keyin esa hind kinolari boshlanardi. Ularni hamma yigʻlab koʻrardi. Shu sabab kinoga mehr uygʻongan. Axir bu kasb egalari oʻz qahramonlari orqali insonlarni ham kuldira oladi, ham yigʻlata oladi. Shuningdek, bor yoʻgʻi bir yoki bir yarim soatlik shunday kino orqali insonlarning maʼlum mavzudagi fikrlarini butunlay boshqa tomonga oʻzgartirish mumkin. Filmlarning, ijodkorlarning shunday mahorati bor.

Ammo kinoda ijod u qilish u qadar oson emas. Hamma kasbda boʻlgani kabi biz ham turli mashaqqatlardan oʻtganmiz. Masalan, men uchun hayotda yashab oʻtgan shaxsni gavdalantirish qiyinroqdek tuyuladi. Axir uning oʻzini xarakteri, ohangi va mimikalari boʻladi. Uni toʻlaligicha oʻxshata olish uchun isteʼdod talab qilinadi”, deydi aktyor.