Xorazmda “Prezident archasi” bayram tadbiri oʻtkazildi
Odilbek Odamboyev/“Xalq soʻzi”. Xorazm viloyatining shahar va tumanlarida ham Yangi yil bayrami shukuhi kezmoqda. Har bir hududda Yangi yil archalari oʻrnatilib, koʻcha va xiyobonlar ertakmonand qilib bezatilgani, oʻziga xos yorqin ranglardagi chiroqlar yogʻdusi yurtdoshlarimizga koʻtarinki kayfiyat bagʻishlamoqda.
Bolajonlar uchun anʼanaviy “Prezident archasi” tadbiri Urganch shahridagi viloyat musiqali drama teatri binosida boʻlib oʻtdi. Bayram dasturiga viloyatning barcha shahar va tumanlaridan oilaviy bolalar uylari tarbiyalanuvchilari, chin yetim va ota-ona qaramogʻidan mahrum boʻlgan bolalar, xizmat vazifalarini bajarish chogʻida halok boʻlgan harbiy xizmatchilarning va ehtiyojmand oilalarning farzandlari taklif etildi.
Viloyat hokimi Joʻrabek Raximov bolajonlarni Yangi yil bayrami bilan tabriklab, ularga Prezident sovgʻalarini topshirdi. Teatrlashtirilgan bayram tomoshalari, ertak qahramonlarining chiqishlari bolajonlarga bir olam zavq ulashdi.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Oʻzbekistonda YTT va oʻzini oʻzi band qilgan shaxslar QR-kodsiz faoliyat yuritsa jarimaga tortiladi
- Yaldo tuni: Yerliklar bugun eng uzun tun va eng qisqa kunga guvoh boʻladi
- Muhammad Rizo Ogahiy nomidagi xalqaro mukofot sovrindorlari maʼlum boʻldi
- Hokim yordamchisi kimga yordamchi?
- “Lavozimim, unvonim bor, menga hech kim tegmaydi”, deganlar adashadi. Qonun oldida hamma teng!»
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring