Xitoy Xalq Respublikasi tashqi ishlar vaziri Van I Rossiyaga rasmiy tashrif bilan keldi. U ushbu mamlakat prezidenti Vladimir Putin bilan uchrashdi. 

O’z navbatida XXRning yangi mudofaa vaziri, general-polkovnik Vey Fenxe ham Rossiyada bo’lib turibdi. U xalqaro xavfsizlik bo’yicha Moskva konferentsiyasida ishtirok etish uchun tashrif buyurgan. Shuningdek, u Rossiya mudofaa vaziri Sergey Shoygu bilan ham muloqot o’tkazdi.

Vey Fenxe o’z safari haqida quyidagi fikrlarni bildirib o’tdi:

“Men Xitoyning yangi mudofaa vaziri sifatida ikkitomonlama aloqalarimiz va qurolli kuchlarimizning strategik hamkorlikni mustahkamlash yo’lidagi qat’iyligini butun dunyoga ko’rsatish uchun aynan Rossiyaga tashrifni amalga oshirdim. Xitoy tomoni amerikaliklarga, ayniqsa, bu vaziyatda, Xitoy va Rossiya qurolli kuchlari o’rtasidagi mustahkam aloqalar borligini ko’rsatish uchun keldi.

Biz sizlarni qo’llab-quvvatlash uchun keldik”.