Xitoy Tayvan atrofida keng koʻlamli harbiy mashgʻulotlarni boshladi
Foto: Reuters
Xitoy Tayvan atrofidagi suvlarda orol hukumatini “jiddiy ogohlantirish” maqsadida yirik harbiy mashqlar oʻtkazishini eʼlon qildi. Bu haqda “Associated Press” xabar tarqatdi.
“1-apreldan boshlab Xitoy Xalq Ozodlik Armiyasining Sharqiy Teatr Qoʻmondonligi armiya, dengiz floti, havo kuchlari, raketa kuchlari va boshqa kuchlarni orol atrofidagi turli yoʻnalishlardan Tayvanga yaqinlashish uchun yoʻnaltirdi... Bu separatist kuchlar uchun jiddiy ogohlantirish va milliy suverenitetni himoya qilish uchun qonuniy va zaruriy choradir”, — deyiladi qoʻmondonlik bayonotida.
Taʼkidlanishicha, mashgʻulotlar dengiz va quruqlikdagi nishonlarga hujum qilish, shuningdek, qoʻshma harbiy amaliyotlar imkoniyatlarini sinab koʻrish uchun asosiy hududlar va dengiz yoʻllarini toʻsishga qaratilgan.
Shu yilning 8-mart kuni Tayvan qurolli kuchlari Xitoydan sakkizta havo shari yaqinlashayotganini aniqladi. Bundan tashqari, mudofaa vazirligi ikkita uchuvchisiz samolyot va oltita kemani payqagan.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring