Ijtimoiy tarmoqlar orqali firibgarlar tomonidan fuqarolarning ishonchiga kirish uchun Markaziy bank ramziy belgilari aks ettirilgan soxta profillardan qalbaki guvohnoma rasmlari hamda hujjatlarni yuborish holatlari uchrab turibdi. Mazkur holat yuzasidan Markaziy Bank munosabat bildirib, fuqarolarni hushyorlikka chaqirdi.

Unda aytilishicha, firibgarlar fuqarolarga oʻzini xavfsizlik xizmati xodimi sifatida tanishtirib, telefon qurilmasiga turli xil bank ilovalarini oʻrnatish orqali onlayn kredit olishi mumkinligiga ishontiradi.

Firibgarlarning bu gaplariga ishongan fuqarolar telefon qurilmasiga zararli mobil ilovalarni oʻrnatishadi. Natijada bank kartasida boʻlgan va ajratilgan kredit mablagʻlari firibgarlar tomonidan oʻzlashtirib olinadi.

Markaziy Bank yuqoridagi holatlarni inobatga olib, firibgarlar tomonidan fuqarolarga notanish profillardan “kreditni bekor qilish”, “xavfsiz hisobga pul koʻchirish” mazmunidagi xabarlar kelsa, muloqotga kirishmaslik, ushbu foydalanuvchini bloklab qoʻyish hamda smartfonga zararli ilovalarni oʻrnatmaslik tavsiya etilgan.

“Markaziy bank jismoniy shaxslarga kreditlar ajratmasligini hamda moliyaviy xizmatlar koʻrsatish bilan shugʻullanmasligini yodda tuting”, — deyiladi ogohlantirish xabarida.