Foto: Milliy Gvardiya

Bahodir Jalolov va Hasanboy Doʻsmatovga muddatidan oldin podpolkovnik unvonlari berildi. Milliy gvardiya harbiy xizmatchisi boʻlgan har ikki bokschi “Aʼlo xizmatlari uchun” koʻkrak nishoni va qimmatbaho sovgʻalar bilan ham taqdirlangan. Bu haqda Milliy gvardiya matbuot xizmati xabar berdi.

Maʼlum boʻlishicha, Milliy gvardiya qoʻmondoni general-mayor Rustam Joʻrayev “Parij-2024” Olimpiya oʻyinlarida ishtirok etgan Milliy gvardiya harbiy xizmatchilari kapitan Bahodir Jalolov va kapitan Hasanboy Doʻsmatovga muddatidan oldin podpolkovnik harbiy unvonlarini topshirgan.

Qayd etilishicha, Milliy gvardiyaning “Aʼlo xizmatlari uchun” koʻkrak nishoni va esdalik qimmatbaho sovgʻasi bilan, Milliy gvardiyaning Toshkent shahar boʻyicha boshqarmasi harbiy xizmatchisi kapitan Bahodir Jalolov hamda Milliy gvardiyaning Andijon viloyati boʻyicha boshqarmasi harbiy xizmatchisi kapitan Xasanboy Doʻsmatov taqdirlandi. Shuningdek, har ikki bokschining onalari Milliy gvardiya esdalik qoʻl soati bilan taqdirlandi.

Bundan tashqari, boks boʻyicha Oʻzbekiston terma jamoasi bosh murabbiyi Toʻlqin Qilichev, Oʻzbekiston terma jamoasi katta murabbiyi Rahmatjon Roʻzioxunov hamda boks boʻyicha Oʻzbekiston ayollar terma jamoasi bosh murabbiyi, Milliy gvardiya Ixtisoslashtirilgan oʻquv markazi katta oʻqituvchisi podpolkovnik Elshod Rasulov “Milliy gvardiya fidoyi xodimi” koʻkrak nishoniga munosib koʻrilgan.