Foto: president.uz

Prezident huzurida Axborot texnologiyalari vazirligining faoliyati va 2022-yildagi rejalari muhokamasiga bagʻishlangan yigʻilish boʻlib oʻtmoqda. Bu haqda Prezident matbuot kotibi Sherzod Asadov xabar berdi.

Yigʻilishda birinchi yarim yillikda 6 ta (Toshkent shahri, Qoraqalpogʻiston, Jizzax, Sirdaryo, Fargʻona, Namangan), yil yakunigacha yana 8 ta masofaviy xizmatlar markazini tashkil qilib, xorijdan buyurtmalar olishni yoʻlga qoʻyish topshirildi.

Jahon IT bozoriga chiqqan kamida 30 ta yirik kompaniyalarni mamlakatimizda faoliyatini yoʻlga qoʻyish muhimligi aytildi.

Eng ogʻir hududlar - Qoraqalpogʻiston, Andijon va Surxondaryoda axborot texnologiyalarini rivojlantirishga alohida eʼtibor qaratish lozimligi koʻrsatib oʻtildi.

Ikki oy muddatda xorijlik mutaxassislarni jalb qilgan holda amaliy loyihalar orqali 1 ming nafar yoshlarning IT-parklarda malakasini oshirish tizimini yoʻlga qoʻyish boʻyicha topshiriq berildi.

Yil boshidan xorijdan 3 mingga yaqin IT mutaxassislar kelgan boʻlib, ularning asosiy qismi shu yerda uzoq muddat qolib ishlashni reja qilganligi taʼkidlandi.