Kecha, 29-noyabr kuni Ispaniya La Ligasining 14-tur oʻyinlari start oldi. Kun doirasida oʻrin olgan bahsda “Barselona” klubi oʻz maydonida “Alaves”ni qabul qildi.

Uchrashuvda hisob dastlabki daqiqadayoq mehmonlar tomonidan ochildi. Golga Pablo Ibanes mualliflik qildi.

Oradan 7 daqiqa oʻtib, hisobdagi muvozanat tiklandi. “Barselona”ning dastlabki goli Lamin Yamal hisobiga yozildi. 26-daqiqada Dani Olmo “koʻk-anorranglilar”ni hisobda oldinga olib chiqdi. Birinchi boʻlim 2:1 hisobi bilan yakunlandi.

Ikkinchi boʻlimga qoʻshib berilgan daqiqalarda esa Dani Olmo dublga erishdi. Shu tariqa oʻyin Hans Flik boshqaruvidagi jamoaning 3:1 hisobidagi gʻalabasi bilan yakunlandi.

Ushbu muvaffaqiyat evaziga “kataloniyaliklar” La Liga turnir jadvalida birinchi oʻringa koʻtarilib oldi.

“Barselona” — “Alaves” 3:1

Gollar: Yamal (8), Olmo (26, 90+3) — Ibanes (1).

“Barselona” — Joan Garsiya, Erik Garsiya (Kunde, 46), Kubarsi (Kristiansen, 84), Jerar Martin, Balde, Kasado, Bernal (Reshford, 46), Olmo, Yamal, Levandovski (Torres, 60), Rafinya (Pedri, 60).

“Alaves” — Sivera, Otto, Tenalya, Pacheko, Parada (Martines, 80), Blanko, Kalebe (Visente, 59), Suares, Ibanes (Guridi, 68), Boye, Rebbach (Alenya, 58).