“Hududiy elektr tarmoqlari” aksiyadorlik jamiyati tomonidan yangi “HET BILLING” dasturiy kompleksi toʻliq ishga tushirilganligini maʼlum qildi. Bu haqda AJning matbuot xizmati xabar berdi.

Qayd etilishicha, endi isteʼmolchilar elektr energiyasi uchun onlayn toʻlovlarni amalga oshirish hamda shaxsiy hisob raqamdagi mavjud maʼlumotlarni kuzatib borishlari mumkin boʻladi.

Bundan tashqari. yangilangan tizim orqali isteʼmolchilar bevosita oʻzi isteʼmol qilgan elektr energiyasi hisobi, xususan, toʻlov maʼlumotlari, kunlik elektr energiya isteʼmoli va boshqa har qanday maʼlumotni onlayn tarzda kuzatib borishi imkoni yaratilgan.

“Mazkur tizimni joriy etish bir qancha texnik jarayonlarni oʻz ichiga olganligi sababli, tizimni bosqichma-bosqich ishga tushirish ishlari olib borildi va kutilganidan ortiq vaqt talab etganligini maʼlum qilamiz hamda yetkazilgan noqulayliklar uchun isteʼmolchilardan uzr soʻraymiz”, deyiladi xabarda.

Avvalroq, Shavkat Mirziyoyev “Xalqaro shartnomani tasdiqlash toʻgʻrisida” qarorni imzolagandi.