Hokim, prokuror, ichki ishlar va soliq boshligʻi... Samarqandda jami 150 nafar rahbar taʼtilda

11:26 21 Yanvar 2021 Jamiyat
495 0

Oʻzbekiston Respublikasi Prezidenti Administratsiyasi tomonidan tasdiqlangan jadvalga muvofiq mahalliy hokimlik hamda sektor rahbarlari tibbiy koʻrikdan oʻtish va davolanish uchun 7-fevralgacha boʻlgan muddatda 2 bosqichda qisqa muddatli taʼtilga chiqmoqda.

Samarqand viloyat hokimligining maʼlum qilishicha, mazkur jadvalga koʻra, bugungi kunda birinchi bosqichda samarqandlik rahbarlardan 150 nafari tibbiy koʻrikdan oʻtib, davolanmoqda. Jumladan viloyat hokimi (E.Turdimov), viloyat prokurori (R.Masharipov), viloyat ichki ishlar boshqarmasi (Sh.Rahmonov) va viloyat davlat soliq boshqarmasi (A.Inagʻomov) boshliqlari Toshkent shahrida, 3 nafar viloyat hokimining maslahatchilari (yordamchi), 48 nafar sektor rahbarlari (tuman/shahar prokurorlari, IIB va DSI boshliqlari), 96 nafar tuman (shahar) hokimlarining oʻrinbosarlari viloyat tibbiyot markazlarida tibbiy koʻrikdan oʻtib, zaruriy muolajalarni olmoqda. Muolajalar joriy yilning 27-yanvariga qadar davom etishi belgilangan.

Ikkinchi bosqichda (28-yanvardan 7-fevralgacha) Samarqanddan yana 24 nafar (8 nafar viloyat hokimining oʻrinbosari, 16 nafar tuman va shahar hokimlari) rahbarlar Toshkent shahrida tibbiy koʻrikdan oʻtib, davolanishi koʻzda tutilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?