Hindistonda sayyohlar avtobusida yongʻin chiqib, kamida 20 kishi halok boʻldi
Hindistonning Andxra-Pradesh shtatida turistlar avtobusida yongʻin chiqishi oqibatida kamida 20 kishi halok boʻldi, deb xabar beradi TASS.
Xabar qilinishicha, Haydaroboddan Bangalorga yoʻl olgan avtobusda taxminan 44 yoʻlovchi boʻlgan. U milliy avtomagistralda mototsikl bilan toʻqnashgan.
Mototsikl avtobus ostiga kirib ketib, yonilgʻi bakiga urilgan va bu portlash hamda yongʻinning butun avtobus boʻylab tez tarqalishiga sabab boʻlgan.
Avariya sodir boʻlgan paytda yoʻlovchilarning koʻpchiligi uxlab yotgan. Baʼzilar uygʻonib, oynalarni sindirib tashqariga sakrab chiqishga muvaffaq boʻlgan, ammo qolganlar ichkarida tiqilib qolgan. Mahalliy aholi yongʻin oʻchiruvchilar kelguniga qadar jabrlanganlarni qutqarishga uringan.
Politsiya hodisa yuzasidan tergov boshlagan. Avtobus haydovchilari voqea joyidan darhol qochib ketgan boʻlib, ularni hozirda qidiruv ishlari davom etmoqda.
Tavsiya etamiz
Ko‘p o‘qilganlar
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- G20 sammitining Janubiy Afrikada oʻtkazilishi sharmandali holat – Tramp
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Mashinada xavfsizlik kamarini taqish mumkin boʻlmagan kasalliklar roʻyxati tasdiqlanadi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- “Doha — Qatarning yuragi, tungi ritmda urib turgan shahar”
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring