Germaniyada sakkiz nafar ekofaol aeroportdagi namoyishda hibsga olindi

19:19 20 May 2024 Dunyo
641 0

“Letzte Generation” ekofaollar guruhining sakkiz nafar aʼzosi Myunxen aeroportida tartibsizliklar uyushtirganligi sababli hibsga olindi. Bu haqda “The Guardian” nashri xabar bermoqda.

Faollar xavfsizlik toʻsiqlarini buzib oʻtib, uchish-qoʻnish yoʻlaklariga olib boradigan yoʻllarni yopishgan. Ularning noroziligi 60 ga yaqin reyslarning bekor qilinishiga va kiruvchi reyslarning boshqa aeroportlarga yoʻnaltirilishiga sabab boʻldi.

Norozilik harakati tashkilotchilari bu harakatini eng ifloslantiruvchi transport turi hisoblangan aviaparvozlarga nisbatan “nafrat”ni ifodalash deya talqin qilgan. “Letzte Generation” Germaniya hukumatini sohaga bepisand qarayotgani uchun tanqid ostiga olishmoqda.

Germaniya ichki ishlar vaziri Nensi Fazer namoyishlarni qoralab, ularni havo qatnoviga tahdid soluvchi jinoiy harakatlar deb atadi. Uning taʼkidlashicha, bunday xatti-harakatlar faqat jamoatchilik orasida tushunmovchilik va gʻazabga sabab boʻladi.

Hozircha ushbu guruh aʼzolariga qanday jazo belgilanishi nomaʼlumligicha qolyapti.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер