Germaniya shu hafta Grenlandiyaga birinchi harbiy xizmatchilarni yuborishi mumkin. Maʼlumotlarga koʻra, harbiylarni joʻnatish 15-yanvardan boshlanadi. BILD nashrining Germaniya va Skandinaviya mamlakatlaridagi manbalarining taʼkidlashicha, Berlin xabarni toʻliq tasdiqlamagan.

Grenlandiyada harbiy ishtirokni kengaytirish rasmiy ravishda NATOning Yevropa mamlakatlari tashabbusi sifatida rasmiylashtiriladi, ammo BILD maʼlumotlariga koʻra, muvofiqlashtirish alyans tuzilmalari orqali emas, Kopengagen orqali amalga oshiriladi. Buning sababi AQSHning ishtirokisiz missiyani amalga oshirish istagi, chunki NATOning Shimoliy davlatlari Norfolkdagi ittifoq qoʻmondonligiga boʻysunadilar.

Daniya oldin Grenlandiyada oʻz guruhini tashkil etishini eʼlon qilgan edi. Unga boshqa Yevropa ittifoqchilari ham qoʻshilishi kutilmoqda. Jumladan, Germaniya harbiy-dengiz kuchlari va boshqa qism boʻlinmalari jalb etilishi mumkin.

Shuningdek, Shvetsiya bosh vaziri shved zobitlari “Arktikaga chidamlilik” mashqlarini bajarish uchun Grenlandiyaga kelganliklarini maʼlum qildi. Ilgari Germaniya mudofaa vaziri Boris Pistorius “Die Zeit” uchun yozgan maqolasida NATO davlatlarini Grenlandiya va Arktikani Rossiya hamda Xitoy taʼsiridan birgalikda himoya qilishga chaqirgan va AQSHning bir tomonlama harakatlari ittifoq qadriyatlarini buzayotganini taʼkidlagan edi.