Illyustrativ foto

Yevropa Ittifoqi Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi bilan bogʻliq vaziyat tufayli ushbu davlatga moliyaviy yordam koʻrsatishni “toʻxtatib qoʻydi”. Bu haqda Ukrainaning “Ekonomicheskaya pravda” nashri xabar bermoqda.

“Vaziyat tuzatilgunga qadar hamma narsa toʻxtatildi”, — deya manba soʻzlarini keltiradi nashr.

Qayd etilishicha, bu yerda gap ERA dasturi (muzlatilgan Rossiya aktivlaridan foydalangan holda favqulodda kreditlash dasturi) doirasida yil oxirigacha 17,2 milliard yevro va “Ukraine Facility” dasturi doirasida 12,5 milliard yevro miqdoridagi yordam haqida ketmoqda.

Shu yilning 22-iyul kuni Oliy Rada Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi barcha mustaqilligini samarali ravishda yoʻq qiluvchi qonun loyihasini qoʻllab-quvvatladi. Keyinroq Ukraina prezidenti Vladimir Zelenskiy ham uni imzoladi.

Qonunning qabul qilinishi Ukrainada noroziliklarga sabab boʻldi. Ularga Kiyev meri Vitaliy Klichko ham qoʻshildi. Shu fonda Zelenskiy Radaga Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi mustaqilligi toʻgʻrisidagi qonun loyihasini taqdim etdi.

Ukrainadagi Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi bilan bogʻliq inqiroz sharoitida “Strana” nashri manbalari Vladimir Zelenskiyni maʼnaviy va siyosiy jihatdan “nolga tushirish”ga harakat qilishayotgani haqida xabar berishdi.