Xitoylik olimlar Yerdagi ilk hayot shakllari haqidagi dunyodagi birinchi yuqori sifatli maʼlumotlar bazasini yaratdilar. Ular 500 million yil oldingi davrni qamrab olgan. Tadqiqot shuni koʻrsatdiki, 500 million yil oldin murakkab organizmlar paydo boʻlgunga qadar Yerdagi hayot juda koʻp portlashlar va yoʻq boʻlib ketishlar kabi qiyin yoʻlni bosib oʻtgan.

Yangi tadqiqotlar milliardlab yillar oldin nima sodir boʻlganini, zamonaviy organizmlarning ajdodlari qanday ekologik muammolarni yengib, turli xil biosferaga aylanganini yaxshiroq tushunishga yordam berdi. Nankin universiteti jamoasi olti yil davomida keng qamrovli paleontologik maʼlumotlar bazasini ishlab chiqish bilan shugʻullandi. Bunda ular superkompyuterlar va sunʼiy intellektdan foydalanishgan.

Simulyatsiyalar shuni koʻrsatdiki, eukaryotik xilma-xillik 1,7 milliard yil avvaldan beri past, ammo barqaror oʻsishni saqlab qolgan. Biroq rivojlanish taxminan 720 million yil oldin global muzlik tufayli buzilgan.

Muzlik davri tugagandan soʻng, hayot shakllarining xilma-xilligi tez koʻpayib, tez-tez oʻzgarib turdi. Shunday qilib, sezilarli toʻlqin 635-580 million yil oldin sodir boʻldi. Undan keyin hayot tarixidagi birinchi ommaviy qirgʻin sodir boʻldi. Shundan soʻng dominant mikroorganizmlar yoʻqoldi.