Qaltis ob-havo sharoitida Afgʻonistonda elektr energiyasi boʻyicha katta uzilishlar kuzatilmoqda.

Yakshanba kuniga qadar davlatga Oʻzbekiston va Turkmanistondan energiya eksporti ham toʻxtab qolgan edi.

Maʼlumotlarga koʻra, Oʻzbekiston va Turkmaniston Afgʻonistonga elektr energiyasi eksportini toʻxtatgan edi. Oʻzbekiston texnik muammolar tufayli eksportni toʻxtatgan boʻlsa, Turkmaniston oʻz navbatida kuchli shamol tufayli elektr energiyasini eksport qila olmay qolgandi. Afgʻoniston oʻzining zarur elektr energiyasining asosiy qismini Eron, Oʻzbekiston va Turkmanistondan import qiladi.

Afgʻonistonning “Da Afghanistan Breshna Shirkat” kompaniyasi yakshanba kuni Oʻzbekiston va Turkmanistondan elektr energiyasi importiga xalaqit berayotgan texnik muammolar hal etilganini eʼlon qildi. Bu haqda “Amy TV” nashri xabar berdi.

Kuchli shamol tufayli yuzaga kelgan uzilishlar ikki qoʻshni davlatdan elektr energiyasi importini vaqtincha toʻxtatib, bir nechta viloyatlar elektr taʼminotisiz qolgan.

Qayd etilishicha, texnik muammolar hal etilishi mamlakatda zarar koʻrgan viloyatlarda normal elektr taʼminotini tiklashga imkon berdi.

Kompaniya bayonotida, Balx, Samangan, Parvon, Panjshir, Kapisa, Kobul, Nangarhor, Lagman, Paktiya, Logar, Xost, Maydan Vardak, Gʻazni va Bagʻlon elektr energiyasi oddiy rejimda yetkazib beriladigan viloyatlarga kirdi.

Joriy yil fevral oyida Afgʻoniston Oʻzbekistonga elektr energiyasi yetkazib berish boʻyicha ikki yillik qarzdorlikni toʻlagani haqida xabar berilgandi.