Eldor Shomurodovda koronavirus aniqlangan. U “Verona”ga qarshi oʻyinda qatnasha olmaydi

17:37 18 Fevral 2022 Sport
472 0

Foto: Getty Images Sport

Ertaga, 19-fevral kuni Italiya A Seriyasining 26-turida “Roma” oʻz maydonida “Verona”ni qabul qiladi. Klub kelasi mavsumda Chempionlar ligasida ishtirok etish imkoniyatini qoʻlga kiritish uchun toʻrtinchi oʻrinda borayotgan “Yuventus” bilan oʻrtadagi olti ochkolik farqni yoʻqqa chiqarishi kerak.

Shu bois, “Verona”ga qarshi oʻtkaziladigan oʻyinda rimliklar faqat gʻalaba qozonishga majbur. Mourinyo shogirdlari ichki chempionatda soʻnggi toʻrtta turdan ikkitasida ochko yoʻqotdi. Raqib jamoa esa uchtasida zafar quchib, faqat Turinda “Yuventus”ga yutqazdi.

Italiya matbuotining yozishicha, muhim uchrashuvda “Roma”ning bir necha futbolchilari, xususan, Eldor Shomurodov qatnasha olmaydi. Maʼlumotlarga qaraganda, hamyurtimizda va Genrix Mxitaryanda koronavirus aniqlangan. Manbaga koʻra, Karles Peres ham virus yuqtirgan boʻlishi mumkin.

Shuningdek, Mourinyoning sevimli shogirdi Nikolo Dzanyolo ham bu galgi bahsni jarohatlari sabab oʻtkazib yuboradi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер