Davlat arbobi Ismoil Joʻrabekov 94 yoshida vafot etdi
Oʻzbekistonning taniqli davlat arbobi, qishloq va suv xoʻjaligi sohasida uzoq yillar samarali faoliyat yuritgan Ismoil Hakimovich Joʻrabekov 94 yoshida hayotdan koʻz yumdi. Bu haqda Suv xoʻjaligi vazirligi xabar berdi.
Ismoil Joʻrabekov 1931-yil 12-sentyabrda Samarqand viloyatida tugʻilgan. U faoliyati davomida respublika melioratsiya va suv xoʻjaligi vaziri, Oʻzbekiston SSR Ministrlar Soveti raisi oʻrinbosari, Davlat agrosanoat qoʻmitasi raisi, fuqarolar muhofazasi ishlari boʻyicha vazir, Prezidentning ijtimoiy-iqtisodiy masalalar boʻyicha davlat maslahatchisi kabi lavozimlarda ishlagan.
Ismoil Joʻrabekov Oʻzbekiston Respublikasining “Buyuk xizmatlari uchun”, “Doʻstlik” ordenlari, Tojikistonning “Doʻstiy” ordeni, sobiq ittifoqning “Oktyabr revolyutsiyasi”, “Xalqlar doʻstligi”, “Mehnat qizil bayroq” (2-marta) va “Hurmat belgisi” (2-marta) ordenlari bilan taqdirlangan.
“Xalq soʻzi” va “Народное слово” gazetalari tahririyati marhumning oila aʼzolari va yaqinlariga chuqur hamdardlik bildiradi.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Yosh oʻzbek yozuvchisining asari Xalqaro bolalar adabiyoti kengashining faxriy roʻyxatiga kiritildi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring