Chiroqchida fuqaroning uyidan qariyb 21 kilogramm giyohvandlik vositasi topildi
Qashqadaryo viloyati Chiroqchi tumanida fuqaroning uyidan qariyb 21 kilogramm giyohvandlik vositasi topildi. Bu haqida “Xavfsizlik” Telegram-kanali xabar berdi.
Unda aytilishicha, 1981-yilda tugʻilgan muqaddam 2 marotaba sudlangan shaxsning yashash xonadoni koʻzdan kechirilganda, 3 dona sintetik qopda saqlanayotgan 20 kilogramm 658 gramm marixuana giyohvandlik vositasi borligi aniqlanib, tegishli tartibda rasmiylashtirib olingan.
Mazkur fuqaro kelgusida ushbu giyohvandlik vositasini sotib, oson pul topishni maqsad qilgani oydinlashgan.
Hozirda unga nisbatan Jinoyat Kodeksining 273-moddasi (giyohvandlik vositalari, ularning analoglari yoki psixotrop moddalarni oʻtkazish...) 5-qismi bilan jinoyat ishi qoʻzgʻatilib, “qamoq” ehtiyot chorasi qoʻllanilgan.
Maʼlumot uchun, mazkur moddaning 5-qismida nazarda tutilgan jinoyatlar uchun 10-yildan 20-yilgacha ozodlikdan mahrum qilish jazosi belgilangan.
Tavsiya etamiz
Ko‘p o‘qilganlar
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- G20 sammitining Janubiy Afrikada oʻtkazilishi sharmandali holat – Tramp
- “Oltin kuz” II Xalqaro kamer va simfonik musiqa festivali boʻlib oʻtadi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Mashinada xavfsizlik kamarini taqish mumkin boʻlmagan kasalliklar roʻyxati tasdiqlanadi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring