Bitkoin oʻz tarixidagi eng yuqori narxni yangilab, 85 ming AQSH dollaridan oshdi. Ushbu koʻrsatkich yil oxirigacha 100 ming AQSH dollarlik chegaraga atigi 17,6 foiz qolgani va yil oxirigacha bu marraga erishishi mumkinligini anglatadi. Bu haqda “CoinTelegraph” nashri xabar berdi.

Tahlilchilarga koʻra, ushbu kriptovalyuta narxi oʻsishda davom etadi. Sobiq va 2025-yilning boshida AQSH rahbarligiga keladigan prezident Donald Trampning saylovdagi gʻalabasi investorlar orasida yangi ishonch toʻlqinini uygʻotgani aytilmoqda.

Trampning qayta saylanishi bilan riskli aktivlarga, jumladan Bitkoin kabi kriptovalyutalarga talab oʻsdi. “Bitget Research” bosh tahlilchisi Rayan Li AQSH saylovining natijalari Bitkoinni 100 ming AQSH dollardan oshirishiga sabab boʻlishi mumkinligini taʼkidlagan.

Derivativ bozoridagi oʻzgaruvchanlik va fyuchers bozoridagi ochiq foizlarning koʻrsatkichi “Bitkoin”ning yuqori volatillik bilan harakatlanishiga ishora qilmoqda. Bu holat “stablecoin”lar kapitalizatsiyasi oshishi bilan birga, bozorga sezilarli taʼsir koʻrsatishi mumkin.

Trampning prezidentlik davriga qaytishi kriptovalyuta sektori uchun ijobiy omil boʻlishi mumkin. Yangi Kongress kripto sanoatiga qulayroq boʻlgan qonunlarni joriy qilish imkoniyatiga ega boʻladi. “Coinbase” bosh direktori Brayan Armstrong Respublikachilar nazoratidagi Senatni “eng pro-kripto Kongress” deb atadi.