Oʻzbekiston Respublikasi Oliy Majlisi Senati Byudjet va iqtisodiy islohotlar masalalari qoʻmitasida doimiy asosda ishlovchi senator Malika Kadirxanova Qoraqalpogʻiston Respublikasi Beruniy tumani hokimligida oʻtkazilgan yigʻilishda ishtirok etdi.

Unda Oʻzbekiston Respublikasi Prezidentining 2020-yil 11-noyabrdagi “2020-2023-yillarda Qoraqalpogʻiston Respublikasini kompleks ijtimoiy-iqtisodiy rivojlantirish chora-tadbirlari toʻgʻrisida”gi qarori ijrosini taʼminlash, mavjud ijtimoiy-iqtisodiy, shu jumladan, ishlab chiqarish va investitsiya salohiyatidan samarali foydalanish, hududda muhandislik-kommunikatsiya, ijtimoiy va ishlab chiqarish infratuzilmalarini yaxshilash, iqtisodiyot tarmoqlarini barqaror rivojlantirish, shu asosida aholining bandligini taʼminlash masalalariga urgʻu berildi.

Yigʻilishda davlatimiz rahbarining mazkur qarori ijrosi boʻyicha amalga oshirilishi belgilangan ishlar boʻyicha maʼlumot berildi hamda aniq vazifalar belgilab olindi.

Shuningdek, senator M.Kadirxanova hududdagi ishlab chiqarish korxonalari faoliyati bilan ham tanishdi.