Foto: “Artel” Matbuot xizmati.

“Artel” kompaniyasi “Sky Chess” shaxmat maktabi bilan birgalikda “Autograph” sanʼat galereyasida shaxmat boʻyicha blis-turnir oʻtkazdi.

Xalqaro bolalarni himoya qilish kuniga bagʻishlab oʻtkazilgan ochiq turnirda 14 yoshgacha boʻlgan 60 nafardan ortiq blis-shaxmat boʻyicha tajribasiga ega boʻlgan bolalar ishtirok etdi.

Shveysarcha tizimi boʻyicha yosh sportchilar oʻrtasidagi turnir 7 turdan iborat boʻldi. Tadbirni yoritayotgan OAV vakillari ham oʻz mahoratini sinab koʻrish uchun shaxmat oʻynashga taklif qilindi.

Intellektual bahs yakunida shaxmat boʻyicha turnir gʻoliblari — Muhammadzohid Suyarov, Akbarali Abduhakimov, Almas Sanetullayev va Asadbek Obidov, Feruzbek Sobirov, Sultonbek Nurullayev kabi ikki kategoriya gʻoliblariga korxonaning sovgʻalari topshirildi. Bundan tashqari, “Artel” Oʻzbekistondan ikki nafar umidli yosh shaxmatchini qoʻllab-quvvatladi va Qozogʻistonda boʻlib oʻtadigan xalqaro turnirda ishtirok etishini moliyalashtirishini maʼlum qildi.

Bu “Artel”ning shaxmatni qoʻllab-quvvatlash boʻyicha birinchi tashabbusi emasligini alohida taʼkidlash lozim. Oʻtgan yili korxona tomonidan shaxmat boʻyicha ayollar oʻrtasida “Nilufar” ochiq turniri tashkil etilgan edi.

Sport borasidagi tashabbuslarni ommaga targʻib qilish kompaniyaning korporativ ijtimoiy masʼuliyati va butun mamlakat boʻylab ijtimoiy loyihalarni rivojlantirish uchun ragʻbatdir.

“Artel” Matbuot xizmati (T).