Andijonda sobiq turmush oʻrtoqlariga aliment toʻlamagan erkak mashinasidan ayrilishi mumkin
Illyustrativ foto
Andijon viloyati Xoʻjaobod tumanida yashovchi D.B. ikki ayolidan tugʻilgan jami uch nafar farzandi uchun aliment toʻlamay yurgani aniqlandi. Bu haqda MIB matbuot kotibi Farrux Toshpoʻlatov “Xalq soʻzi”ga maʼlum qildi.
Bildirilishicha, fuqarolik ishlari boʻyicha Asaka tumanlararo sudining 2017-yil 3-avgustdagi buyrugʻiga koʻra, qarzdor D.B.dan undiruvchi F.R. foydasiga bir nafar farzandi uchun, yana bir ijro hujjatiga asosan undiruvchi M.B. foydasiga ikki nafar farzandi uchun aliment toʻlashi belgilangan.
Biroq qarzdor ota ikki ayoliga ham bolalari taʼminoti uchun aliment toʻlamasdan kelgan. Hujjatlarga koʻra, qarzdorning hozirda jami 53 million soʻmdan ziyod aliment qarzi mavjud. Shu sababli byuroning Xoʻjaobod tuman boʻlimi davlat ijrochisi tomonidan qarzdorning egaligida “Cobalt” mashinasi borligi aniqlanib, aliment qarzi uchun xatlab qoʻyildi.
“Qarzdor ota farzandlari alimenti uchun tegishli mablagʻni toʻlamagan taqdirda avtomashina kimoshdi savdosiga qoʻyilib, voyaga yetmagan shaxslarning manfaatlari himoya qilinishi taʼminlanadi”, deydi MIB matbuot kotibi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring