Senatning oʻninchi yalpi majlisida maʼqullangan qonunlar va muhokama qilingan masalalar mazmun-mohiyatini keng jamoatchilikka yetkazish maqsadida senatorlar hududlarda uchrashuvlar oʻtkazmoqda.

Shu maqsadda Senatning Mudofaa va xavfsizlik masalalari qoʻmitasi raisi Qutbiddin Burxonov xizmat safari bilan Andijon viloyatida boʻlib, xalq deputatlari viloyati Kengashida tegishli tadbir tashkil etildi.

Unda viloyat, tuman va shahar Kengashlari deputatlari, kotibiyat mudirlari, viloyat prokuraturasi, adliya, maktabgacha va maktab taʼlimi boshqarmalari masʼul xodimlari ishtirok etdi.

Tadbirda Senatning oʻninchi yalpi majlisida koʻrib chiqilgan muhim qonunlar, xususan “Oʻzbekiston Respublikasining ayrim qonun hujjatlariga transport xizmati koʻrsatishni tashkil etish tizimini takomillashtirishga qaratilgan oʻzgartirish va qoʻshimchalar kiritish toʻgʻrisida”gi hamda “Kreditorlarning garov bilan taʼminlangan talablarini qanoatlantirish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimchalar kiritish toʻgʻrisida”gi qonunlar va boshqa masalalar mazmun-mohiyati haqida fikr yuritildi.