13-avgust kuni Innovatsion rivojlanish vazirligida taniqli adib, Innovatsion rivojlanish vazirning maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Isajon Sulton qalamiga mansub yangi asar – “Alisher Navoiy” romaning taqdimoti boʻlib oʻtdi.

Tadbirda Innovatsion rivojlanish vaziri Ibrohim Abdurahmonov, Innovatsion rivojlanish vazirligi Jamoatchilik kengashi raisi oʻrinbosari, akademik, Soyibjon Neʼmatov, “Oʻzbekkino” milliy agentligi direktorining birinchi oʻrinbosari Shuhrat Rizayev, Alisher Navoiy nomidagi oʻzbek tili va adabiyoti universiteti professori Bahodir Karimov, shuningdek adabiyot ixlosmandlari ishtirok etdilar.

Zamonaviy adabiyot vakillarining buyuk mutafakkir, soʻz mulkining sultoni Alisher Navoiy haqidagi yirik asar yozishi anchadan beri kutilayotgan edi. Keyingi yillardagi yurtimizda amalga oshirilgan islohotlar natijasida erishgan yutuqlarimizdan eng kattasi – soʻz erkinligi va ijod erkinligi Alisher Navoiy haqida romanning yaratilishiga, bu masʼuliyatli vazifani jasorat bilan ado etishga imkon berdi.