Aholi murojaati senator tomonidan ijobiy hal qilindi
Joylardagi mavjud muammo va kamchiliklarni o‘rganish va hal etish, saylovchilarning murojaatlarini eshitish va ularga yechim topish xalq vakillarining muhim vazifalaridan biri hisoblanadi.
Oliy Majlis Senatining Mudofaa va xavfsizlik masalalari qo‘mitasi raisi Qutbiddin Burxanov o‘zi Izboskan tumani Kengashi xalq deputati etib saylangan 16-Yangiqishloq saylov okrugida aholi bilan uchrashdi.
Muloqot davomida “Gudur” va “Toshloq” mahallalari aholisi suyultirilgan gaz ballonlarini o‘z vaqtida yetkazilishi bilan bog‘liq muammolarni bartaraf etish masalasini ko‘targan edi.
Mazkur murojaat qisqa fursatda ijobiy hal etildi hamda Izboskan tumaniga ajratilgan 7 ta mashina propan gaz ballonlariga yana qo‘shimcha 7 ta mashina gaz ballonlari yetkazilishiga erishildi.
Shu bilan birga “Gudur” mahallasining M.Ulug‘bek, Tarovat, Hidoyat ko‘chalarini kesib o‘tuvchi katta yo‘lning 6 km qismini asfaltlash bo‘yicha ham murojaat kelib tushgan edi. Bu masala mutasaddilar bilan birga atroflicha o‘rganilib, hozirgi vaqtda yo‘lning katta qismi tekislandi hamda shag‘al yotqizish ishlari amalga oshirilgan.
Mutaxassislarning ko‘rsatmalariga binoan hozir qishli-qirovli kunlar bo‘lgani uchun asfaltlash ishlari bahor-yoz oylarida bajarilishi rejalashtirilgan.
Senatorlarning joylarda saylovchilar va aholi murojaatlarini qonun doirasida ijobiy hal qilish ishlari davom etmoqda.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring