Abduqodir Husanov va uning jamoasi Manchester derbisida gʻalaba qozondi
Kecha, 14-sentyabr kuni Angliya Premyer-ligasi 4-turidan oʻrin olgan bahslar yakunlandi. Soʻnggi bahsda Manchester shahrining ikki grand jamoasi — “Manchester Yunayted” va “Manchester Siti” oʻzaro toʻqnash keldi.
Uchrashuv 3:0 hisobi bilan “shaharliklar”ning gʻalabasi bilan yakunlandi. Oʻyinda kiritilgan gollarga Erling Holand (2 ta) va Fil Foden mualliflik qildi. Shu tariqa 6 ochko toʻplagan “Manchester Siti” APL turnir jadvalida 8-oʻringa koʻtarilib oldi.
Oʻyindan keyin “Sofascore” portali “Manchester Siti” hujumchisi Erling Holandning oʻyinini 9,4 ballga baholadi. Bu joriy mavsum Pep Gvardiola boshchiligidagi jamoa futbolchilariga qoʻyilgan eng yuqori baho boʻldi.
Shuningdek, oʻzbekistonlik futbolchi Abduqodir Husanovning oʻyindagi harakatlari 7,4 ballga baholandi. Bu ushbu oʻyinda harakat qilgan himoyachilar orasidagi eng yaxshi natija hisoblanadi.
Maʼlumot uchun, “Manchester Siti” jamoasi keyingi oʻyinini 19-sentyabr kuni oʻtkazadi. Oʻsha kun jamoa UEFA chempionlar ligasi doirasida “Napoli” bilan kuch sinashadi.
Tavsiya etamiz
Ko‘p o‘qilganlar
- “Bunyodkor” murabbiyi Sergey Arslanov vafot etdi
- Oʻzbekistonda dollar kursi pastladi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring