YouTube’da deyarli 20 million obunachiga ega mashhur IT-blogger Markes Braunli 2024-yilning asosiy smartfonlarini tanladi. Video muallifning YouTube’dagi kanalida e’lon qilingan.

Braunli Samsung Galaxy S24 Ultra flagmanini yilning eng yaxshi telefoni deb atadi. Mutaxassisning so‘zlariga ko‘ra, qurilma zerikarli bo‘lib tuyulishi mumkin, chunki unda buklanadigan dizayn kabi noodatiy funksiyalar mavjud emas. "Biroq, uning ajoyib ekrani, ajoyib batareyasi, ajoyib kameralari bor", deb ta'kidladi blogger. Galaxy S24 Ultra ham eng yaxshi katta smartfon nominatsiyasida g‘olib chiqdi.

Muallif 6,1 dyuymli displeyga ega va bir qo‘lga oson sig‘adigan iPhone 16 ni eng yaxshi kichik telefon deb atadi. “Eng yaxshi kamera” nominatsiyasida iPhone 16 Pro, “Eng hamyonbop” – Nothing Phone 2a, “Eng yaxshi batareya” – Red Magic 10 Pro, “Eng yaxshi dizayn” – Huawei Mate XT deb e'lon qilindi.

Markes Braunli Google Pixel 9 Pro Fold yaratuvchilarini eng yaxshi innovatsiyalari uchun maqtadi. Muallif Google Pixel 9 Pro Fold’ni yilning asosiy yig‘ma smartfoni deb atadi. Braunli Asus Zenfone 11 Ultra-ni 2024-yildagi muvaffaqiyatsizlik deb hisobladi.