Har hafta dunyo boʻyicha koronavirusga chalinish bilan bogʻliq qariyb 2 mln.ta yangi holat roʻyxatga olinmoqda. Bu haqda JSST bosh direktori Tedros Adanom Gebreyesus Jenevada boʻlib oʻtgan brifingda maʼlum qildi, deb yozadi TASS.

«Har hafta taxminan 2 millionta holat qoʻshilyapti. Xabaringiz bor, joriy hafta dunyo bir million qurbon berilgan fojeaviy davrni ham bosib oʻtdi», — deydi u.

JSST rahbari davlatlarni infeksiyaga qarshi kurashishni kuchaytirish, koronavirus tarqalishini toʻxtatishga qaratilgan maqsadli chora-tadbirlarni koʻrishga chaqirdi. Hozirda, uning soʻzlariga koʻra, Covid-19 kasalligi tarqalishiga javob qaytarishning keskin payti.

Gebreyesus pandemiyani yengib oʻtishning eng qisqa yoʻli mamlakatlarning hamkorlikdagi saʼy-harakatlari boʻlib qolayotir. Uning aytishicha, ayni paytda jahondagi 168 davlat COVAX xalqaro mexanizmiga qoʻshilib ulgurdi. Bundan koʻzlangan maqsad koronavirusdan vaksina uchun barcha uchun teng imkoniyatlar yaratishdir. 

«Yana 25 ta davlat xuddi shunday qilishlari haqida xabar berishdi. Bu butun insoniyatni pandemiyani yengish yoʻlida birlashishini anglatadigan hamjihatlik belgisidir», — deya xulosa qiladi JSST bosh direktori.