Respublika tovar-xom ashyo birjasiga yangi rais tayinlandi
Asadulla Qayumov “Oʻzbekiston respublika tovar-xom ashyo birjasi” AJ boshqaruv raisi lavozimiga tayinlandi. Bu haqida “OʻzA” xabar berdi.
Bildirilishicha, Prezidentning tegishli qaroriga muvofiq Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari Qayumov Asadulla Oʻrolovich boshqa ishga oʻtishi munosabati bilan Qoʻmitadagi amaliy faoliyatini yakunlagan.
Asadulla Qayumov oʻz faoliyatini 2007-yilda Qoʻmitada yetakchi mutaxassis lavozimidan boshlagan va 2017-yilga qadar bosh mutaxassis, boʻlim boshligʻi oʻrinbosari hamda boshqarma boshligʻi lavozimlarida ishlagan. Shuningdek, 2022-2025-yillarda Qoʻmita raisining birinchi oʻrinbosari lavozimida faoliyat yuritgan.
Jumladan, Asadulla Qayumov faoliyati davomida “Raqobat toʻgʻrisida”, “Isteʼmolchilarning huquqlarini himoya qilish toʻgʻrisida”, “Reklama toʻgʻrisida”gi Qonunlar hamda Oʻzbekiston Respublikasi Prezidentining, Vazirlar Mahkamasining bir qancha farmon va qarorlari qabul qilinishi va takomillashtirilishiga munosib hissa qoʻshgan.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring