“Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Xitoy avtomobil ishlab chiqaruvchisi boʻlgan “Leapmotor” Oʻzbekistonda avtomobillarining sertifikatlanishi toʻxtatilgani yuzasidan izoh berdi. Maʼlumot “Weibo” ijtimoiy tarmogʻida eʼlon qilindi.
Xabarda testga yuborilgan avtomobil ishlab chiqaruvchi tomonidan taqdim etilmagani va bu juda muhim omil ekanini qayd etgan.
“Avtomobilni testga yuborishdagi holatlar va testlar qanday sharoitda oʻtkazilgani bizga nomaʼlum. Shu sababli, biz test natijalariga norozilik bildiramiz. Shaffof va obyektiv sinovlar orqali «Leapmotor” mahsulotlarining haqiqiy holati baholanishiga umid qilamiz» deyiladi izohda.
Kompaniya mazkur masala boʻyicha Oʻzbekiston tomoni bilan hamkorlikda ishlayotganini va testlarni takroriy oʻtkazish rejalashtirilayotganini bildirdi.
Taʼkidlash joiz, Oʻzbekistonda “Leapmotor” brendi ostidagi yengil avtomobillarni sertifikatlash uchun arizalar qabuli vaqtincha toʻxtatilgan. Bunga sabab qilib kompaniyaga tegishli “C16” rusumli avtomobilning xavfsizlik talablariga javob bermasligi koʻrsatilgandi.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring