«Leapmotor» Ўзбекистонда ўтказилган автомобиль тести натижаларидан норозилигини билдирди
Хитой автомобиль ишлаб чиқарувчиси бўлган «Leapmotor» Ўзбекистонда автомобилларининг сертификатланиши тўхтатилгани юзасидан изоҳ берди. Маълумот «Weibo» ижтимоий тармоғида эълон қилинди.
Хабарда тестга юборилган автомобиль ишлаб чиқарувчи томонидан тақдим этилмагани ва бу жуда муҳим омил эканини қайд этган.
«Автомобилни тестга юборишдаги ҳолатлар ва тестлар қандай шароитда ўтказилгани бизга номаълум. Шу сабабли, биз тест натижаларига норозилик билдирамиз. Шаффоф ва объектив синовлар орқали «Leapmotor» маҳсулотларининг ҳақиқий ҳолати баҳоланишига умид қиламиз» дейилади изоҳда.
Компания мазкур масала бўйича Ўзбекистон томони билан ҳамкорликда ишлаётганини ва тестларни такрорий ўтказиш режалаштирилаётганини билдирди.
Таъкидлаш жоиз, Ўзбекистонда «Leapmotor» бренди остидаги енгил автомобилларни сертификатлаш учун аризалар қабули вақтинча тўхтатилган. Бунга сабаб қилиб компанияга тегишли «C16» русумли автомобилнинг хавфсизлик талабларига жавоб бермаслиги кўрсатилганди.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг