Oliy taʼlim, fan va innovatsiyalar vaziri Ibrohim Abdurahmonov Hindistonning «Nath Bio-Genes CA» kompaniyasining Markaziy Osiyo bo‘yicha direktori, doktor Venkatesh N.Kulkarni va Hindiston eksport qiluvchi tashkilotlar federatsiyasi raisi Nanda Kaglivalarni qabul qildi, deb xabar bermoqda “Dunyo” AA muxbiri.

Vazirlik  maʼlumotiga ko‘ra, uchrashuvda Surxondaryo viloyati Sherobod tumanida Hindistonning «Nath Bio-Genes CA» va «Surxondaryo agroxizmat» MCHJ hamkorligida 4 xil navli urug‘ tajriba sifatida yetishtirilayotgani, keyingi yillarda ushbu urug‘lar uchun ajratilgan ekin maydonini kengaytirish yuzasidan fikr almashildi. 

Bundan tashqari, Samarqand viloyatidagi professional taʼlim muassasasida Hindiston tajribasi asosida o‘quv jarayonini tashkil qilish hamda namunaviy tarzda taʼlim muassasalaridan birida ish boshlashga kelishib olindi.

Shuningdek, uchrashuvda joriy yil sentyabr oyida Jahon paxta tadqiqotlari «Nath Bio-Genes CA» kompaniyasining zamonaviy texnologiyalar asosida yaratilgan urug‘ navlari bo‘yicha seminar tashkil qilinishi maʼlum qilindi.