Фото: Reuters

Жаҳон соғлиқни сақлаш ташкилоти (ЖССТ) раҳбари Тедрос Гебрейесус COVIDдан ҳам хавфлироқ янги пандемия хавфини инкор этиб бўлмаслигини айтди. 

“Касаллик ва ўлимнинг янги тарқалишига олиб келиши мумкин бўлган бошқа COVID варианти таҳдиди сақланиб қолмоқда. Бундан ҳам кўпроқ ҳалокатли потенциалга эга бўлган янги патогеннинг пайдо бўлиши хавфи бор”, дейди ЖССТ раҳбари.

Тедрос Гебрейесус, шунингдек, бутун дунёни келажакда таҳдидга жамоавий жавоб беришга тайёр бўлишга чақирди.

Шу йилнинг 5 май куни ЖССТ раҳбари COVID-19 вируси тарқалиши туфайли юзага келган глобал соғлиқни сақлаш фавқулодда ҳолат тугатилганини эълон қилди. Унинг сўзларига кўра, дунё бўйлаб камида 20 миллион одам коронавирус туфайли вафот этган.

Шу йилнинг март ойида Гебрейесус COVID-19 пандемияси 2023 йилда тугашига ва шу билан бирга халқаро фавқулодда ҳолат режими бекор қилинишига ишонч билдирган эди.