JSST yangi halokatli pandemiyaga tayyorlanishga chaqirdi

19:43 24 May 2023 Dunyo
1649 0

Foto: Reuters

Jahon sogʻliqni saqlash tashkiloti (JSST) rahbari Tedros Gebreyesus COVIDdan ham xavfliroq yangi pandemiya xavfini inkor etib boʻlmasligini aytdi.

“Kasallik va oʻlimning yangi tarqalishiga olib kelishi mumkin boʻlgan boshqa COVID varianti tahdidi saqlanib qolmoqda. Bundan ham koʻproq halokatli potensialga ega boʻlgan yangi patogenning paydo boʻlishi xavfi bor”, deydi JSST rahbari.

Tedros Gebreyesus, shuningdek, butun dunyoni kelajakda tahdidga jamoaviy javob berishga tayyor boʻlishga chaqirdi.

Shu yilning 5-may kuni JSST rahbari COVID-19 virusi tarqalishi tufayli yuzaga kelgan global sogʻliqni saqlash favqulodda holat tugatilganini eʼlon qildi. Uning soʻzlariga koʻra, dunyo boʻylab kamida 20 million odam koronavirus tufayli vafot etgan.

Shu yilning mart oyida Gebreyesus COVID-19 pandemiyasi 2023-yilda tugashiga va shu bilan birga xalqaro favqulodda holat rejimi bekor qilinishiga ishonch bildirgan edi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер