Жорий йилнинг 27 ноябрь куни Олий Мажлис Сенати аъзолари Н. Пардаев, Х. Эрматов ва Ж. Бобаназарова томонидан Жиззах вилоятида ёшларга доир сиёсати бўйича қонунчилик ижроси юзасидан тадбирлар ўтказилди. Бу борада амалга оширилаётган ишлар ва уларнинг аҳамиятини ёшлар ўртасида кенг тушунтирилди.

Учрашувлар давомида сенаторлар вилоятда ёшлар сиёсати ижроси доирасида амалга оширилаётган ишларнинг мазмун-моҳияти, ёшлар манфаатларига қаратилган ислоҳотлар, уларни ҳар томонлама қўллаб-қувватлашга қаратилган тизимли чора-тадбирлар ҳақида батафсил маълумот бердилар.

Тадбирларда, хусусан, ёшларнинг меҳнат бозорида муносиб ўрин эгаллашларини таъминлаш бўйича Ёшлар бандлиги дастури доирасида кўрилаётган амалий чоралар, эришилаётган натижалар, ютуқлар ва келгусидаги устувор вазифалар алоҳида таъкидлаб ўтилди.

Сенаторлар ёшларнинг бандлигини ошириш, тадбиркорликка кенг жалб қилиш, уларнинг билим ва кўникмаларини ривожлантиришга хизмат қилаётган дастур ва ташаббусларнинг аҳамиятини қайд этди.

Тадбир иштирокчилари ёшларга яратилган имкониятлар, давлат томонидан кўрсатилаётган қўллаб-қувватлаш чоралари юзасидан ўз фикр-мулоҳазалари ва таклифларини ҳам билдирди.