Жанубий Корея расмийлари ноқонуний курьерларга қарши курашни кучайтиради
Жанубий Корея Адлия вазирлиги етказиб бериш хизматларида чет элликларнинг ноқонуний меҳнат фаолиятига қарши курашиш бўйича кампания эълон қилди, деб хабар бермоқда Yonhap агентлиги.
Маълумотларга кўра, ушбу кампания 30 апрелгача давом этади. Қоидани бузганларга нисбатан жарималар қўлланилади ва улар мамлакатдан мажбурий чиқариб юборилади.
Yonhap нашрининг ёзишича, Жанубий Кореяда курьерлик соҳасида ноқонуний ишлаётган чет элликлар сони ортиб бормоқда. Шунингдек, мотоциклларни ҳайдовчилик гувоҳномасисиз бошқариш ҳолатлари кўпайган, бу эса жиддий ижтимоий муаммога айланмоқда.
Адлия вазирлигининг таъкидлашича, чет элликлар етказиб бериш платформаларида рўйхатдан ўтиш учун кореяликларнинг аккаунтларидан (шахсий ҳисобларидан) фойдаланишмоқда. Маҳаллий ҳокимият ўз ҳисоб маълумотларини бошқаларга берган Корея фуқароларини ҳам жавобгарликка тортиш ниятида.
«Ҳукумат кореяликларнинг иш ўринларини ҳимоя қилиш учун барча имкониятларни ишга солади», — деб таъкидлади вазирлик вакили Чон Сон Хо.
Тавсия этамиз
Кўп ўқилганлар
- Абдуқодир Ҳусанов яна бир бор «Реал Мадрид»га қарши ўйнайди
- Болалар саратонига қарши кураш: халқаро ҳамкорликдаги муҳим қадам
- Ўзбекистоннинг 7 та моддий ва номоддий маданий мерос объектлари AYSESKO рўйхатига киритилди
- Суперлиганинг 2026 йилги мавсуми бошланмоқда
- Ҳар бурчагида тарих яширинган шаҳар — Лондондан фоторепортаж
- Эркаклар аёлларга нисбатан кўпроқ калория истеъмол қилиши керакми?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг