Ёшлар - гиёҳвандликка қарши

10:53 28 Октябр 2021 Жамият
262 0

Фото: Халқ сўзи

Термиз шаҳрида вилоят ҳокимлиги, Ёшлар ишлари агентлиги, туризм ва спорт, ички ишлар бошқармалари ҳамкорлигида «Биз - ёшлар гиёҳвандликка қаршимиз!» шиори остида юриш марафони ўтказилди. Унда 4 мингдан ортиқ ижтимоий соҳа ва ёшлар вакиллари иштирок этди.

- Бугунги кунда гиёҳвандлик умумбашарий муаммога айланди, - дейди Ёшлар ишлари агентлиги Сурхондарё вилояти бошқармаси бошлиғи Ж. Чориев. - Инсониятга жуда катта хавф туғдираётган бу иллатга қарши курашиш ҳар қачонгидан ҳам долзарб аҳамият касб этмоқда. Ўзбекистон Республикаси гиёҳвандликнинг олдини олиш ва унга қарши кураш борасидаги халқаро конвенцияларнинг тўлақонли иштирокчиси сифатида муҳим чора-тадбирларни амалга ошириб келмоқда. Бугунги тадбир орқали биз аҳоли, айниқса, ёшлар ўртасида соғлом турмуш тарзини тарғиб этишни мақсад қилдик. Юриш марафонида ёшларимиз фаол иштирок этганини қайд этиш жоиз.

Илҳом РАҲМАТОВ, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?