“Ягона тиббиёт тизими”: тиббий хизмат сифати ошмоқда
Ғайрат ОТАЖОНОВ/«Халқ сўзи». Нукус тумани тиббиёт бирлашмасида “Электрон поликлиника” ва “Электрон шифохона” ахборот тизимлари такомиллаштирилиб, “Ягона тиббиёт тизими” йўлга қўйилди.
Янги тизимнинг жорий этилиши ҳисобига, илгари шифокор қабулига борган одам 40 дақиқа кутган бўлса, эндиликда навбатга онлайн ёзилиш орқали кутиш вақти кескин қисқарди. “Dmed” мобиль платформаси кўмагида уйда ўтирган ҳолда ҳам шифокор қабулига ёзилиш мумкин.
Беморларнинг поликлиникага келиши натижасида тўпланадиган тиббий маълумотлари электрон шаклда сақланади. Шифокор кўригидан ўтиш жараёнида топширилган таҳлиллар хулосасини электрон дастур орқали олиш имкониятига ҳам мавжуд.
Тизим бир қатор платформалар билан интеграция қилинди. Фуқаронинг юзини аниқлаш дастури ёрдамида дарҳол хизмат кўрсатишга ўтилиб, исталган тиббиёт муассасасидан бемор ҳақидаги тиббий маълумотлар реал вақт режимида олинади.
Тиббиёт соҳасидаги бундай имкониятлар ортиқча оворагарчиликни камайтиради, тиббий хизмат кўрсатиш сифати ва самарадорлигини оширади.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг