WBA рейтинги янгиланди: Шаҳрам Ғиёсов биринчи ўринда
Бутунжаҳон бокс ассоциацияси (WBA) 2025 йил декабрь ойи якунларига кўра янгиланган рейтингини эълон қилди. Ушбу рўйхат профессионал боксчиларнинг йил охирида қайд этган натижалари асосида шакллантирилган.
Қайд этиш жоизки, рейтингдан жами саккиз нафар ўзбекистонлик чарм қўлқоп устаси ўрин олди. Улар орасида ярим ўрта вазн тоифасида иштирок этаётган Шаҳрам Ғиёсов ўз позициясини сақлаб қолиб, WBA рейтингининг биринчи поғонасида қолди. Супер ўрта вазнда эса Бектемир Мелиқўзиев иккинчи ўринда қайд этилди.
Бундан ташқари, ярим енгил вазн тоифасида Отабек Холматов учинчи ўриндан жой олган бўлса, биринчи ярим енгил вазнда Муҳаммад Шехов ҳам кучли учликдан ўрин эгаллади. Ушбу вазн тоифасида Муроджон Аҳмадалиев тўртинчи поғонада қайд этилди.
Супер ярим ўрта вазнда Исроил Мадримов олтинчи ўринни эгаллаган бўлса, минимал вазнда Ҳасанбой Дўсматов еттинчи натижани кўрсатди. Енгил вазн тоифасида ҳаракат қилаётган Сирожбек Исмоилов эса рейтингда 15-ўринни банд этди.
Тавсия этамиз
Кўп ўқилганлар
- Ўрта Осиёдаги энг баланд янги йил арчаси — Наманганда
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Муҳаммад Ризо Огаҳий номидаги халқаро мукофот совриндорлари маълум бўлди
- Хонанда Раҳматилло Юсупов 44 ёшда вафот этди
- Ҳоким ёрдамчиси кимга ёрдамчи?
- Сизни ажаблантирадиган анъаналар. Дунё бўйлаб янги йил қандай нишонланади?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг