Винисиус Жуниор ва Килиан Мбаппе яна етакчи ролига қайтди
Кеча Испания Ла Лигаси мусобақасининг 2-тур ўйинлари давом эттирилди. Тур доирасида Хави Алонсо бошчилигидаги “Реал Мадрид“ жамоаси лига дебютанти “Реал Овьедо“ клуби майдонига сафар қилди.
Учрашув “қаймоқранглилар“нинг 0:3 ҳисобидаги ғалабаси билан якунланди. Ўйинда ҳисоб 37-дақиқада Килиан Мбаппе томонидан очилди. Шунингдек, 83-дақиқада Килиан дублга эришди. Иккинчи таймга қўшиб берилган учинчи дақиқа ўтиб бораётган вақтда Винисиус Жуниор ўйиндаги сўнгги голни киритди.
Учрашув Мадрид клубининг тўла устунлиги остида ўтди. “Реал Овьедо“ посбони Аарон Эсканделл 8 марта сейв намойиш этишига тўғри келди. “Sofascore” портали томонидан ўйиннинг энг яхши футболчиси деб топилган Килиан Мбаппе 9,2 баллга лойиқ кўрилди. Жамоанинг янги ҳужумчиси Франко Мастантуоно эса биринчи марта асосий таркибда майдонга тушди.
Энди “қироллик клуби“ 31 август куни Ла Лига 3-тури доирасида “Мальорка“ жамоасини қабул қилади. Шундан сўнг жамоа етакчилари FIFA кунлари сабаб ўз терма жамоаларига қайтиб кетади.
Тавсия этамиз
Кўп ўқилганлар
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- АҚШ Россияга босим ўтказишнинг муқобил усулларини ўрганмоқда
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг