«Ватанпарвар» ташкилоти спортчилари «Байконур Кубоги – 2022» ғолибликка эришди

16:01 26 Сентябр 2022 Спорт
995 0

Фото: «Ватанпарвар» ташкилоти Матбуот хизмати

Жорий йилнинг 16-23 сентябрь кунлари Қозоғистон Республикасининг Байконур шаҳрида ракетамодель спорти бўйича «Байконур Кубоги – 2022» халқаро спорт мусобақаси бўлиб ўтди.

Ўзбекистон, Россия, Қозоғистон, Қирғизистон ва Беларусь терма жамоаларидан 200 нафарга яқин спортчилар иштирок этган ушбу нуфузли мусобақада Ўзбекистон Республикаси мудофаасига кўмаклашувчи «Ватанпарвар» ташкилоти спортчиларидан иборат миллий терма жамоа мамлакатимиз шаънини муносиб ҳимоя қилди. Шиддатли ва муросасиз кечган ушбу беллашувда спортчилар ўзлари томонидан яратилган ракета моделлари ва уларнинг очиқ осмонда нечоғлик парвоз қилиш имкониятларига эга эканлигини намоён этдилар.

Фото: «Ватанпарвар» ташкилоти Матбуот хизмати

Ўзбекистон Республикаси мудофаасига кўмаклашувчи «Ватанпарвар» ташкилоти Матбуот хизмати томонидан маълум қилинишича, мусобақа якунида умумжамоа ҳисобида Ўзбекистон терма жамоаси биринчи ўринни қўлга киритиб, нафақат ҳамюртларимизнинг, балки тадбирни қизиқиш билан кузатиб борган бутун дунё ракетамодель спорти ихлосмандлари олқишларига сазовор бўлди.

Шунингдек, яккалик баҳсларида «Ватанпарвар» ташкилоти спортчиларидан Нажмиддин Зайлидинов олтин ва бронза, Фарҳод Бакиев олтин, Ҳаётбек Қурбоналиев кумуш, Фирдавс Гулмуродов кумуш, Самандар Соқиев бронза медалини қўлга киритди.

Эслатиб ўтамиз, «Ватанпарвар» ташкилоти бир қатор халқаро спорт ташкилотлари, жумладан, Халқаро аэронавтика федерацияси (ФАИ)нинг тўла ҳуқуқли аъзоси ҳисобланади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?