Uzcard ва Humo карталари банкоматларини бирлаштириш ишлари тўлиқ якунланди

18:03 31 Июль 2023 Иқтисодиёт
3620 0

Ўзбекистонда Uzcard ва Humo тўлов тизимларининг банкоматлари интеграцияси муваффақиятли якунланди. Бу ҳақда Uzcard хабар берди.

Хабарда ёзилишича, барча тижорат банкларининг банкоматлари иккала тўлов тизимининг карталарини қабул қилиши учун бирлаштирилди.

“Энди Ўзбекистон Республикаси ҳудудидаги барча банкоматлар ушбу имкониятни қўллаб-қувватлайди ва сиз мос банкомат излаб вақт йўқотмайсиз. Ҳар бир банкомат Uzcard ва Humo карталаридан транзакцияларни амалга ошириш ва нақд пул ечиб олиш имконини беради”, — дея хабар берган компания.

Май ойида “Ягона умумреспублика процессинг маркази” МЧЖ миллий банклараро тўлов тизими билан биргаликда Uzcard ва Humo тўлов тизимлари банкоматларини интеграция қилиш бўйича техник ишларни якунлаганди.  

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер