Украинанинг тинчлик режасидан кўнгли тўлмоқда
АҚШ давлат котиби Марко Рубионинг айтишича, Швейцарияда Украина делегацияси билан ўтказилган музокаралар натижасида Америка томонидан таклиф этилган тинчлик режаси ҳали якуний шаклга эга эмас ва уни қўшимча такомиллаштириш талаб этилади.
— Агар биз Украина томони билан ушбу келишув бўйича тўлиқ муроса топа олсак, кейинги босқич — уни Россия томонига етказиш бўлади, — деди Рубио.
Женевада бўлиб ўтган АҚШ ва Украина делегациялари учрашувида томонлар можарони тинч йўл билан ҳал этиш тамойили бўйича келишувга эришди.
Вашингтон ва Киев ўртасидаги қўшма баёнотда қайд этилишича, Оқ уй тақдим этган тинчлик режаси лойиҳасига киритилган ўзгартиришлар Украинанинг миллий манфаатларини акс эттиради, шунингдек, мамлакатнинг яқин ва узоқ муддатли хавфсизлигини таъминлаш учун ишончли ва амалий механизмлар яратади.
Марко Рубио айнан қандай тузатишлар киритилгани ҳақида маълумот бермади.
CBS телеканали манбаларига кўра, Украина президенти Владимир Зеленский яқин кунларда АҚШга ташриф буюриши кутилмоқда.
Тавсия этамиз
Кўп ўқилганлар
- Эркинжон Турдимов: «Муаммо бинода эмас, муаммо раҳбар ва унинг иш услубида»
- Нега биз ҳалигача ўзга сайёраликлар билан учрашмаганмиз?
- Президент прокуратура органлари ходимлари ва фахрийларига табрик йўллади
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
- Ўзбекистонда 2025 йилда 150 тоннадан ортиқ сифатли қон тайёрланган
- «Мен президентман. Мен ҳалол одамман. Мен айбсизман»
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг