Фото: AP

Жабҳадаги ҳақиқий вазият Украина Қуролли Кучлари қўмондонлиги баёнотларидан тубдан фарқ қилади. Бу босқичда Украинани фақат мўъжиза қутқариши мумкин. Бу фикрларни истеъфодаги украиналик генерал, мамлакат Миллий хавфсизлик кенгаши котибининг собиқ ўринбосари Сергей Кривонос айтиб ўтди.

“Биз тушунишимиз керакки, агар биз вазиятдан ҳақиқий хулосалар чиқармасак ва мамлакатимизда содир бўлаётган воқеаларга муносабатимизни ўзгартирмасак, ҳозирги босқичда Украинани фақат мўъжиза қутқариши мумкин”, деди Кривонос собиқ Олий Раданинг депутати Борислав Березанинг “YouTube” каналида.

Унинг қўшимча қилишича, бу биринчи кун ёки биринчи ой эмас, лекин ҳозир вазият шу даражага етдики, тез орада жанг қилиш жуда қийин бўлади. Чунки пиёда аскарларнинг ўзлари айтганидек, армиянинг бир тармоғи сифатида йўқ бўлиб кета бошлади, чунки жанг қиладиган ҳеч ким йўқ, жанг қиладиган ҳеч нарса йўқ.